بسم الله الرحمن الرحيم
اول اشي نبدا في حكايه اسمها اللي بحب النبي يحملني ::
هادا يا ساده يا كرام كان في زلمه مروح على بيته من الشغل نص الليل
لحاله وزمان ما كان في ضواو في الشارع
فمرك من جنب عين مي وشاف مره لابسه اسود في اسود
ومش عارفه تحمل جرة الميه
قام الزلمه دبت فيه النخوه وقال يالله انا بحملها
والله راح الزلمه حكا للمره هاتي عنك يا حجه وقامت لفت وجهها
وتتطلع فيه الا عينها بالطول مثل الحيه وشاف الزلمه هالشوفه ويقوم يفلخ (يهرب)
اهرب اهرب والمره تضحك بصوت عال عالي والزلمه ميت خووووف (يماااا)
وتقوم هاي المره او الجن مش عارف شو تضرب عليه حجار كبار كبار بس شو لما
تضرب عليه الحجر يمرق عليه زي نسمة هوا ما يحس فيه وتوته توته خلصت الحتوته
**************************************************
طيب الحكايه التانيه مصنع الصابون
في يوم من الايام يا ساده يا كرام واحد مروح من محل بجوز من الشغل المهم بنص الليل
الا هو شاف مصنع الصابون ضاويه ضواوه وفي صوت ناس ملاااان الزلمه راح يشوف شو في
بركي في اشي هيك ولا هيك المهم اتطلع من الشباك الا هو في ناس عاديين بس شووو
اجريهم مش اجريين بشر اجرين حوافر ويشوف هالشوفه ويركض كد ما الله يعطيه
بس والله ما بعرف بعدين شو صار فيه
**************************************************
الحكايه التالته (الصراحه الساعه تنتين بالليل وانا بديت اخاف) الزلمه بعد صلاه الفجر
هادا يا ساده يا كرام كان يوم من الايام خال امي مروح من صلاة الفجر نازل على درج طويل شوي
ومعتمممم هلكيت شو الغريب انو في وراه مره (مرأه , الجنس اللطيف) المهم اتطلع عليها واستغرب شو جاب هالمره في هاظ الوقت المهم قربت المره عليه مسرعه الا هي رظو عنيها بالطول والزلمه يركظ وهي تلحك فيه يمااااااااااااااا والله انا لو محله بشيب راسي
******************[b]